დღეს, ანტალიაში ჯანდაცვის, სპორტისა და ტურიზმის საერთაშორისო მსოფლიო კონგრესი/გამოფენა Hestourex-ი ოფიციალურად გაიხსნა. Hestourex-ს 50 ქვეყნიდან 2000 დელეგატი ესწრება, რონლებიც სამედიცინო ტურიზმით არიან დაინტერესებულნი, ან კიდევ ამ ბაზრის მოთამაშეები არიან. 400-ზე მეტ სტენდზე წარმოდგენილია სხვადასხვა კონპანია თუ სამედიცინო დაწესებულება, რომლებიც მზად არიან ახალი პარტნიორები შეიძინონ.
Hestourex-ი დღეს თურქეთის საგარეო საქმეთა მინისტრმა მევლუთ ჩავუშოღლუმ გახსნა
თურქეთი კონგრესის გასამართად უმაღლეს დონეზე მოემზადა და Hestourex-ს მხარდაჭერა თითქმის მთელმა მთავრობამ გამოუცხადა: საგარეო საქმეთა სამინისტრო, კულტურისა და ტურიზმის სამინისტრო, ეკონონიკის სამინისტრო, ჯანდაცვის სამინისტრო, ახალგაზრდობისა და სპორტის სამინისტრო.
კონგრესის მიზანია ერთად მოუყაროს თავი მსოფლიო მედიცინისა და ტურიზმის სფეროს წარმომადგენლებს და მათ დარგში მიღწეული წარმატებები და შესაძლებლობები გააცნოს.
ღონისძიების ფარგლებში მიმდინარეობს ასევე B2B Hosted Buyers.
Hestourex-ში მონაწილეობს საქართველოც, საიდანაც კონგრესს 100-მდე დელეგატი ყავს. Hestourex-ზე საქართველოს წარმოადგენს ტურისტული კომპანია Wonderland-ის შვილობილი BE FREE, რომელიც იმავდროულად საქართველოში Turkish Healtcare Travel Council-ს წარმომადგენელიცაა.
BE FREE სამედიცინო ტურიზმის მიმართულებითაც აქტიურად მუშაობს და ქართველი პაციენტებისათვის საზღვარგარეთ შესაბამისი ექიმებისა და კლინიკების მოძიებაზე ზრუნავს.
აღსანიშნავია, რომ ბოლო წლებში სამედიცინო ტურიზმი თანდათან უფრო პოპულარული ხდება. თავის მხრივ კი მის მზარდ პოპულარობაზე მრავალმა ფაქტორმა იქონია გავლენა: ინდუსტრიულ ქვეყნებში სამედიცინო მომსახურების ფასების ასტრონომიული ზრდა, საერთაშორისო მოგზაურობის გაადვილება და გაიაფება, მსოფლიოს მრავალ ქვეყანაში სწრაფად გაუმჯობესებული ტექნოლოგია და მომსახურების სტანდარტები.
სამედიცინო ტურისტები ძირითადად განვითარებული ინდუსტრიული ქვეყნებიდან არიან და ქვეყნები, სადაც ისინი მიემგზავრებიან ნაკლებად განვითარებულია.
გამაჯანსაღებელი ტურიზმის პოპულარობამ განაპირობა მთელი რიგი სერვისისა და ეკონომიკის დარგების განვითარება, რომელიც ეხმარება პაციენტებს ამგვარი მოგზაურობის დაგეგმვასა და განხორციელებაში. ეს კომპანიები პარტნიორობენ გარკვეულ საავადმყოფოებთან ან კლინიკებთან, რაც მათ საშუალებას აძლევს გაცილებით ნაკლებ ფასში მოემსახურონ მომხმარებლებს.
Hestourex-ს ანტალია 6-დან 9 აპრილამდე მასპინძლობს.
