კამპანია „ეს შენ გეხება“- მ ე.წ. მოსმენების კანონზე მოქალაქეთა სარჩელების მიღება დაასრულა. აქციას 300-მდე მოქალაქე შეუერთდა. არასამთავრობო ორგანიზაცია საკონსტიტუციო სასამართლოში სარჩელის შენატას შემდეგ კვირაში გეგმავს.
აღნიშნულ ინიციატივას უერთდება არასამთავრობო სექტორი, ოპოზიციური პარტიები და პრეზიდენტის ადმინისტრაციაც. მათი განცხადებით, აღნიშნული კანონი არღღვევს ადრე საკონსტიტუციო სასამართლოს მიერ მიღებულ გადაწყვეტილებას.
“მიზანი არის სახელმწიფოს გააგონოს პირველ რიგში, მოქალაქეების ხმა და შემდეგ უკვე საკონსტიტუციო სასამართლოს მეშვეობით შევეცადოთ, რომ დაბრუნდეს პროცესი კონსტიტუციურ სივრცეში იმიტომ, რომ სამწუხაროდ, კანონი, რომელიც ცვლილებებამდე მოქმედებდა, იყო არაკონსტიტუციური, მაგრამ ის ცვლილებებიც, რომელიც პარლამენტმა მიიღო, არ არის შესაბამისობაში საკონსტიტუციო სასამართლოს გადაწყვეტილებასთან და თავად კონსტიტუციასთან“ - განაცხადა საქართველოს ახალგაზრდა იურისტთა ასოციაციის თავმჯდომარემ, ანა ნაცვლიშვილმა.
