შს მინისტრის ყოფილი მოადგილე გელა ხვედელიძე, ინტენსიური თერაპიის განყოფილებიდან პალატაში გადაიყვანეს, ორი ოპერაციის შემდეგ მისი ჯანმრთელობის მდგომარეობა დამაკმაყოფილებელია.
გელა ხვედელიძე ”ნიუ ჰოსპიტალშია” მოთავსებული. კლინიკის მედიკოსების ინფორმაციით, ხვედელიძეს კლინიკიდან 3-5 დღეში გაწერენ.
შეგახსენებთ, რომ გუშინ გელა ხვედელიძეს მის საცხოვრებელ სახლთან თარხნიშვილის ქუჩაზე ორი ნიღბიანი თავს დაესხა. მომხდარ ფაქტთან დაკავშირებით შსს-მ გამოძიება საქართველოს სისხლის სამართლის კოდექსის 177-ე მუხლით დაიწყო, რაც სხეულის განზრახ მძიმე დაზიანებას გულისხმობს.
