თბილისში, პარლამენტის შენობასთან აქცია მიმდინარეობს, სადაც საქართველოს პირველი პრეზიდენტის ზვიად გამსახურდიას გარდაცვალების გარემოებების გამოძიებას ითხოვენ. აქციაზე რიგით მოქალაქეებთან ერთად გამსახურდიას ოჯახის წევრები იმყოფებიან. როგორც ცოტნე გამსახურდია ამბობს, საქმის გამოძიების პირობა მან „ქართული ოცნების“ გუნდისგან მიიღო. ,,საქმე გადაკვალიფიცირდა, მკვლელობის მუხლით მიმდინარეობს. პირადად ბიძინა ივანიშვილისგან მივიღე დაპირება, მისი პრემიერობის დროს მივიღე. მიუხედავად იმისა, რომ გარკვეული საგამოძიებო ქმედებები ჩაატარეს, სამართლებრივი შედეგის თვალსაზრისით არაფერი გვაქვს. დრო გადის და ხელისუფლება რეალურად არაფერს აკეთებს" - განაცხადა ცოტნე გამსახურდიამ.
ზვიად გამსახურდია 1993 წლის 31 დეკემბერს, გამთენიისას, სამეგრელოს სოფელ ხიბულაში გაურკვეველ ვითარებაში გარდაიცვალა.
დღეს 1991 წლის 31 მარტის დამოუკიდებლობის რეფერენდუმის და საქართველოს პირველი პრეზიდენტის ზვიად გამსახურდიას დაბადების დღეა.
