აზიის განვითარების ბანკმა (ADB) საქართველოში შიდა სახელმწიფოებრივი მნიშვნელობის გზის აღდგენის მიზნით, 80 მილიონი დოლარის ოდენობის სესხი დაამტკიცა
შიდა სახელმწიფოებრივი გზის გაუმჯობესების პროექტი, რომლის ფარგლებშიც აღდგება ხარაგაულის გავლით ძირულადან ჩუმათელეთისკენ მიმავალი გზის 50-კილომეტრიანი მონაკვეთი გაზრდის ადგილობრივი მოსახლეობისა და ჩამოსული ტურისტების თავისუფალი გადაადგილების შესაძლებლობას და სტიმულს მისცემს ეკონომიკურ აქტივობას რეგიონში.
“პროექტი ასევე ხელს შეუწყობს მთავრობის ძალისხმევას ქვეყანაში რეგიონული კავშირების დამყარებისა და ეკონომიკური აქტივობის ზრდის კუთხით,” განაცხადა აზიის განვითარების ბანკის მუდმივი წარმომადგენლობის დირექტორმა იეშიმ ელჰან-კაიალარმა.
