მიმდინარე წლის თებერვლის მდგომარეობით ოპეკის წევრმა და არაწევრმა ქვეყნებმა ნავთობის მოპოვების შემცირების შეთანხმება 93%-ით შეასრულეს, განაცხადა რუსეთის ენერგეტიკის მინისტრმა ალექსანდრ ნოვაკმა.
მისი თქმით, კომიტეტი ოპეკის წევრი და არაწევრი ქვეყნების მიერ მოპოვების შემცირების მონიტორინგთან დაკავშირებით განიხილავს საკითხს შეთანხმების შესაძლო გაგრძელებასთან დაკავშირებით.
როგორც ცნობილია, ოპეკის წევრი და არაწევრი ქვეყნები შეთანხმდნენ ნავთობის მოპოვების შემცირებასთან დაკავშირებით 2017 წლის პირველი ნახევრის განმავლობაში სანავთობო ბაზრის სტაბილიზაციისთვის. ოპეკის წევრებმა უნდა შეამცირონ მოპოვება 1,2 მლნ ბარელით/დღე-ღამეში, ხოლო არაწევრმა ქვეყნებმა - 558 ათასი ბარელით/დღე-ღამეში.
