უშიშროების ფედერალურმა სამსახურმა რუსეთის მოქალაქეები კონტრაბანდული საქმიანობის გამო დააკავა. როგორც ძიებით დადგინდა, ისინი შეერთებული შტატებიდან ფოსტით „ეი არ 15“ ტიპის ავტომატურ ცეცხლსასროლს იარაღებს იღებდნენ. ჩხრეკის შედეგად ამოღებულია ორი ტყვიამფრქვევი, ორი ავტომატური იარაღი, 8 პისტოლეტი, 7 კარაბინი და ტყვია-წამალი. უშიშროების სამსახურის თანამშრომლებმა ორი იატაკქვეშა საამქროც აღმოაჩინეს , სადაც იარაღის მოდერნიზება ხდებოდა.
