უკრაინაში რუსეთის სახელმწიფო დუმის ყოფილი დეპუტატი მოკლეს. დენის ვორონენკოვზე თავდასხმა კიევში სასტუმრო პრემიერ-პალასთან განხორციელდა. დეპუტატის დაცვის წევრებმა თავდამსხმელი დაჭრეს, რის შემდეგაც ის პოლიციამ დააკავა. ვორონენკოვზე რუსეთს საერთაშორისო ძებნა ჰქონდა გამოცხადებული. მას თაღლითობის ბრალდება წაუყენეს, რის შემდეგაც ქვეყანა დატოვა და უკრაინის მოქალაქეობა მიიღო. პოლიცია ვარაუდობს, რომ მკვლელობა შეკვეთილი იყო.
