უვიზო მიმოსვლასთან დაკავშირებით, 28 მარტს, ევროპის მოედანზე გალა კონცერტი ჩატარდება - ამის შესახებ თბილისის მერმა დავით ნარმანიამ საქართველოს მთავრობის სხდომის დასრულების შემდეგ განაცხადა.
მისივე თქმით, ღონისძიებების მოსამზადებელი სამუშაოები უკვე დაწყებულია და დეტალური ინფორმაცია უახლოეს მომავალში გახდება ცნობილი.
„როგორც მოგეხსენებათ, უვიზო მიმოსვლის საკითხთან დაკავშირებით საზეიმო ღონისძიებებია დაგეგმილი. 27 მარტს განახლებული თბილისის ტერიტორიაზე მთელი დღის განმავლობაში ძალიან ბევრი საინტერესო ღონისძიება გაიმართება. ხოლო 28 მარტს, ევროპის მოედანზე, ჩატარდება გალა- კონცერტი, სადაც ძალიან ბევრი პროგრამაა წარმოდგენილი, 27-28 მარტს ძალიან საინტერესო ღონისძიება გელოდებათ“, - განაცხადა დავით ნარმანიამ.
