სროლა ბრიტანეთის პარლამენტთან. წარმომადგენელთა პალატის მიმდებარე ტერიტორიაზე თავდასხმის შედეგად რამდენიმე ადამიანი დაშავდა. პარლამენტის პრეს-სამსახურის განცხადებით, ინციდენტისას 2 ადამიანი დაიჭრა. წარმომადგენელთა პალატის ლიდერის, დევიდ ლიდინგტონის ინფორმაციით, შეიარაღებული მამაკაცი თავს სამართალდამცავებს დაესხა და ერთი პოლიციელი დანით დაჭრა. საპასუხო სროლის შედეგად ის ადგილზე იქნა ლიკვიდირებული. მანამდე ტერორისტმა ვესტმინსტერის ხიდზე მანქანამ 5 ადამიანი გაიტანა. პოლიციამ ხიდი რამდენიმე წუთში გადაკეტა. საკანონმდებლო ორგანომ მუშაობა დროებით შეაჩერა. ოფიციალური განცხადება მომხდართან დაკავშირებით პოლიციას ჯერ არ გაუკეთებია. ადგილობრივი მედიის ინფორმაციით, დაშავებულთა რაოდენობა 20-ს აღწევს.
