2017 წლის 23 მარტს, 12:00 საათზე „მოქალაქეთათვის 2017 წლის სახელმწიფო ბიუჯეტის გზამკვლევის“ პრეზენტაცია გაიმართება.
პრეზენტაციას დაესწრებიან ფინანსთა მინისტრის მოადგილე გიორგი კაკაურიძე და აშშ-ის საერთაშორისო განვითარების სააგენტოს „დემოკრატიული მმართველობის ინიციატივის“ პროგრამის ხელმძღვანელი დევიდ სმიტი.
საბიუჯეტო პროცესის გამჭირვალობის უზრუნველყოფის მიზნით, საქართველოს ფინანსთა სამინისტროსა და ამერიკის შეერთებული შტატების საერთაშორისო განვითარების სააგენტოს (USAID) ძალისხმევით 2017 წლის სახელმწიფო ბიუჯეტის გზამკვლევი ბეჭდური სახით გამოიცა.
გზამკვლევი დაინტერესებულ საზოგადოებას ზოგად წარმოდგენას უქმნის საქართველოს საბიუჯეტო სისტემაზე, მიმდინარე წლის ბიუჯეტის პრიორიტეტულ მიმართულებებზე, დაგეგმილ ღონისძიებებზე, სახელმწიფოს მიერ წლის განმავლობაში მისაღები შემოსულობების მოცულობასა და დასახული მიზნების მისაღწევად გასაწევ ხარჯებზე.
