მილიარდერი ამანსიო ორტეგა მისივე შექმნილი კომპანია Inditex-დან, რომელსაც ეკუთვნის ბრენდები Zara, Pull & Bear, Bershka და Massimo Dutti, დამატებით 1,2 მლრდ ევროს მიიღებს. როგორც უცხოური პრესა წერს, Inditex დივიდენდის სახით ერთ აქციაზე 0,68 ევროს გასცემს, რაც გასულ წელს გაცემულ დივიდენდთან შედარებით 13,3%-ით მეტია. შესაბამისად ორტეგა, რომელიც დღეისათვის Inditex-ის აქციათა 60%-ის მფლობელია, დივიდენდის სახით 1,2 მლრდ დოლარს მიიღებს.
Forbes-ის მონაცემების მიხედვით, 80 წლის ბიზნესმენის ქონება 72,2 მლრდ დოლარადაა შეფასებული. ორტეგა მსოფლიოს მასშტაბით, ქონების მხრივ მეოთხე ადგილზეა და მას მხოლოდ ბილ გეიტსი, უორენ ბაფეტი და ჯეფ ბეზოსა უსწრებენ.
