აფხაზეთში დეფაქტო არჩევნები შედგა, - ამის შესახებ ინფორმაციას ადგილობრივი მედია ავრცელებს. არაღიარებული რესპუბლიკის ცენტრალური საარჩევნო კომისიის მონაცემებით, შუადღის 12 საათისთვის საარჩევნო ყუთებთან უკვე ამომრჩეველთა 24 პროცენტი იყო მისული. იმისათვის რომ არჩევნები შემდგარად გამოცხადდეს, მასში მონაწილეობა ელექტორატის 25-მა პროცენტმა უნდა მიიღოს. დეფაქტო პარლამენტის 35 მანდატის მოსაპოვებლად 137 კანდიდატი იბრძვის. 113 მათგანის კანდიდატურა საინიციატივო ჯგუფებმა წარმოადგინეს, 24 კანდიდატი კი „აფხაზეთის ერთიანობის ეროვნულ ფორუმს“ ჰყავს. ოლქებში გამარჯბებულად ის კანდიდატები გამოცხადდებიან, რომლებიც ხმათა 51 პროცენტს დააგროვებენ. წინააღმდეგ შემთხვევაში კი მეორე ტური გამოცხადდება.
