იმ შემთხვევაში, თუ თურქეთი ევროკავშირთან უვიზო მიმოსვლას არ მიიღებს, ლტოლვილთა მიღების შეთანხმება შესაძლოა ჩაიშალოს. ამის შესახებ ქვეყნის საგარეო საქმეთა მინისტრმა მევლუთ ჩავუშოღლუმ „სიენენ თურქისთვის“ მიცემულ ინტერვიუში განაცხადა. „ბრიუსელს უახლოეს ხანებში დოკუმენტის საბოლოო ვარიანტს წარვუდგენთ. ის ან ბოლომდე შესრულდება, ან საერთოდ გაუქმდება. შესაბამისად, თუ თურქეთი ვიზალიბერალიზაციას ვერ მიიღებს, შეთანხმების შესრულებაზე უარს ვიტყვით,“-აღნიშნა ჩავუშოღლუმ.
