ქალთა საერთაშორისო დღესთან დაკავშირებით, გასულ კვირას, ავიაკომპანია „Air India“-მ დელი-სან-ფრანცისკო-დელის რეისის შესრულება და მისი მომსახურება მთლიანად ქალებისაგან დაკომპლექტებული შემადგენლობით უზრუნველყო. ავიაკომპანიის ინფორმაციით, რეისების ოპერირებაში ჩართული ყველა პირი - საჰაერო ხომალდის მეთაური, მეორე პილოტი, ეკიპაჟის საფრენოსნო შემადგენლობის ყველაწევრი, სახმელეთო მომსახურების ტექნიკური და საინჟინრო პერსონალის თითოეული სპეციალისტი, უსაფრთხოების ინსპექტორი და ექიმი - ქალი იყო.
გარდა ამისა, ფრენების სააერნაოსნო მოსახურებასაც საჰაერო მოძრაობის ქალი მეთვალყურეები უზრუნველყოფდნენ. „Air India“-ს კუთვნილი Boeing 777 სან-ფრანცისკოში წყნარი ოკეანის გავლით, 27 თებერვალს, 15 საათისა და 30 წუთის ფრენის შემდეგ ჩაფრინდა.
რეისი Al174 დელიში 3 მარტს, უკვე ატლანტის ოკეანის გავლით დაბრუნდა, რათა ავიაგადამზიდველის მიერ დედამიწის გარშემო ფრენა დაფიქსირებულიყო.
ავიაკომპანიაში იმედოვნებენ, რომ ქალთა საერთაშორისო დღეს მიძღვნილი კამპანიის ფარგლებში ორგანიზებული ფრენა უპრეცენდენტოა და იგი გინესის მსოფლიო რეკორდების წიგნში მოხვდება.
