საქართველოს ელჩი საუდის არაბეთში, ბაჰრეინის სამეფოსა და ომანის რესპუბლიკაში გიორგი ჯანჯღავა Gulf Air-ის მთავარ ოფისში ავიაკომპანიის აღმასრულებელ დირექტორს, მაჰერ სალმან ალ მუსალამს (Mr. Maher Salman Al Musallam) და ავიაკომპანიის აღმასრულებელი მმართველი გუნდის წევრებს შეხვდა.
შეხვედრაზე მხარეებმა განიხილეს სამომავლო ორმხრივი თანამშრომლობის საკითხები.
ამასთან შეხვედრის ერთ-ერთი თემა იყო ავიაკომპანიის ახალი რეისი თბილისის მიმართულებით, რომელიც მიმდინარე წლის 22 ივნისიდან დაიწყება.
Gulf Air თბილისის მიმართულებით პირდაპირ ფრენებს 3 კვირის განმავლობაში განახორციელებს.
ბაჰრეინის ეროვნლი ავიაგადამზიდავი პირდაირ ავიაფრენებს რეგიონის 10-მდე ქალაქში ახორციელებს, Bahrain International Airport-დან, რაც მგზავრებისთვის მას ჰაბად აქცევს.
შეგახსენებთ, რომ Gulf Air არის ბაჰრეინის სამეფოს ფლაგმანი ავიაკომპანია, რომელიც საავიაციო ბაზარზე 1950 წლიდან ოპერირებს. Gulf Air მსოფლიოს მსხვილი ავიაკომპანიების სიაშია, რომელიც ბაჰრეინის საერთაშორისო აეროპორტიდან, ამჟამად ფრენებს 24 ქვეყნის 43 ქალაქში ახორციელებს, მსოფლიოს 3 კონტინენტზე.
