ეკონომიკისა და მდგრადი განვითარების სამინისტროს საქართველოს ტურიზმის ეროვნული ადმინისტრაციის ორგანიზებით და უკრაინის საერთაშორისო ავიახაზების მხარდაჭერით სლოვაკეთის წამყვანი ტურისტული კომპანიების წარმომადგენლებმა საქართველოს სხვადასხვა კუთხე მოინახულეს. 6 დღის განმავლობაში ინფოტურის 8 მონაწილე სიღნაღს, ყვარელს, ბორჯომს, თბილისსა და მცხეთას ეწვია. პრესტურის ფარგლებში სტუმრებმა რეგიონებში არსებული ობიექტები და ტურისტული ინფრასტრუქტურა დაათვალიერეს. სამომავლო თანამშრომლობის მიზნით, სლოვაკ ტუროპერატორებს ქართველი კოლეგები შეხვდნენ.
