ევროკავშირთან უვიზო მიმოსვლის ამოქმედების შემდეგ აეროპორტში მგზავრთნაკადის ზრდასთან ერთად გარკვეული პრობლემების წარმოქმნაზე ამახვილებენ ყურადღებას ააიპ HUB GEORGIA-ში, რომლის ორგანიზებითაც დღეს კონფერენცია „ვიზა ლიბერალიზაცია და გამოწვევები ავიაციის სფეროში" გაიმართა.
კონფერენციაზე საავიაციო სფეროში ევროკავშირთან ვიზა ლიბერალიზაციის შედეგად მიღებული ახალი შესაძლებლობები და გამოწვევებზე იმსჯელეს.
HUB GEORGIA-ს წარმომადგენელი ვასილ ურუშაძე აცხადებს, რომ მგზავრთნაკადის ზრდის შემთხვევაში აეროპორტები დატვირთვას ვერ გაუძლებენ და მოხდეს მათი პარალიზება.
„ჩვენ ყველამ ვიცით, რომ ვიზალიბერალიზაციის შედეგად საქართველოში მგზავრთნაკადის ზრდა დაიწყება - განსაკუთრებით ევროპის მიმართულებით. შესაბამისად დღისწესრიგში დადგა რიგი საკითხები, რაზეც შეკითხვები უნდა დაისვას. ერთ-ერთი შეკითხვაა, რამდენად არის მზად საქართველოს აეროპორტები და ზოგადად საქართველოს ავიაცია მზად იმისათვის, რომ მგზავრთნაკადის ზრდას უპასუხოს? რომელიც სავარაუდოდ გაორმაგდება აპრილიდან. დღესაც კი ფრენები, რომელიც ხორციელდება პიკურ დილის 5 საათიდან 9 საათამდე არის გადატვირთული და თუ დამატებით მოხდება რეისების განვითარება და ბუნებრივია რომ ეს ასეც მოხდება, შესაძლებელია კოლაფსი მივიღოთ და მოხდეს აეროპორტის პარალიზება. ანუ აეროპორტებმა ვერ დააკმაყოფილოს მგზავრთანაკადი, რომელიც იქნება ვიზალიბერალიზაციის შემდეგ. ჩვენ დღეს ამ მიზნებიდან და პრობლემებიდან გამომდიბარე შევიკრიბეთ, რათა გავმართოთ დისკუსია და გავაანალიზოთ თუ რა პრობლემებია“, განმარტავს ვასილ ურუშაძე.
საქართველოს აეროპორტების გაერთიანებაში კი განმარტავენ, რომ ქვეყნის ყველა საერთაშორისო აეროპორტი გაზრდილი მგზავრთნაკადის მისაღებად მზადაა.
„საქართველოს აეროპორტები მზად არიან მოზღვავებული მგზავრთნაკადის მისაღებად. ჩვენ შარშან გვქონდა 26 %-იანი ზრდა საერთაშორისო აეროპორტებში, წელს ველოდებით მიახლოვებით 40%-დან 48%-მდე ზრდას.
თბილისის აეროპორტის გამტარუნარიანობა არის 3 მლნ მგზავრი და 2017 წლის სექტემბერში უკვე დასრულებული იქნება აეროპორტის მეორე ტერმინალი დასრულებული.
ჩვენ ვითვალისწინებეთ არასამთავრობო ორგანიზაციების შენიშვნებს, მაგრამ ამ დროისათვის არც ერთ საერთაშორისო აეროპორტს მგაზავრთნაკადთან დაკავშირებით პრობლემა არ აქვს“, აღნიშნა საქართველოს გაერთიანებული აეროპორტების ბიზნესგანვითარების მენეჯერმა დეა მაჭავარიანმა.
