პარლამენტის აგრარულ საკითხთა კომიტეტმა საკომიტეტო მოსმენაზე განიხილა და მხარი დაუჭირა ცვლილებას ნომერი ერთი აშშ-სა და საქართველოს შორის 2015 წლის 22 დეკემბრით დათარიღებული „ინკლუზიური და მდგრადი ეკონომიკური ზრდა“ განვითარების მიზნის შესახებ საგრანტო შეთანხმებაში.
აღნიშნული საკითხი განსახილველად წარადგინა საქართველოს ფინანსთა მინისტრის მოადგილე გიორგი კაკაურიძემ.
აღნიშნული ცვლილებით იზრდება შესაბამისი საგრანტო შეთანხმებით გათვალისწინებული ფინანსური რესურსი, რომელიც პროექტის „ინკლუზიური და მდგრადი ეკონომიკური ზრდა“ შესაბამისად დაიხარჯება. პროექტის მიზანია ეკონომიკური მართვის გაუმჯობესება, გლობალური ბიზნეს სტანდარტების საყოველთაო დანერგვა, სამიზნე სექტორებში კონკურენტუნარიანობის გაზრდა, საქართველოს ბუნებრივი რესურსების ეფექტურად მართვა და მაღალი კომპეტენციის ბაზარზე ორიენტირებულისამუშაო ადგილების შექმნა.
პროექტის ფარგლებში დაგეგმილია აქტივობები შემდეგი მიმართულებებით: კონფლიქტების შემსუბუქება და შერიგება; განათლება; ინფრასტრუქტურა; სოფლის მეურნეობა, კერძო სექტორის კონკურენტუნარიანობა და გარემო.
