თურქეთის ტურიზმის ინდუსტრია პრიორიტეტებს იცვლის და აქცენტს შიდა ტურიზმის განვითარებაზე აკეთებს. უცხოელი ტურისტების „დაკარგვის“ ფონზე ტურიზმის სფეროს წარმომადგენლები შიდა ტურიზმის განვითარების იმედად არიან. მათი გათვლებით, 2017 წელს შიდა ტურიზმი 15-20%-ით უნდა გაიზარდოს.
თურქეთის ტურისტული სააგენტოების ასოციაციის (TURSAB) ხელმძღვანელის ჩეტინ გიურჯუნის თქმით, მიმდინარე წელს გასული წლის ანალოგიურ პერიოდთან შედარებით ჯავშნების რაოდენობა არ შეცვლილა, რაც ტუროპერატორებს აიძულებს, რომ არსებულ პრიორიტეტებს გადახედონ.
მისი ინფორმაციით, ტუროპერატორების ნაწილი ორიენტირებას შიდა ბაზარზე აკეთებს.
„ვფიქრობ, რომ შიდა ტურიზმს ქვეყანაში მალე ზრდა ელის“, აცხადებს გიურჯუნი..
