სამშენებლო კომპანია „მარდი ჰოლდინგი“ ენერგეტიკულ ბაზარზე შედის. მიმდინარე წლის ბოლომდე კომპანია „მარდი ჰოლდინგი" პარტნიორ "გროსს ენერგი ჯგუფთან" ერთად ქედაში ჰესის მშენებლობას იწყებს.
როგორც „მარდი ჰოლდინგის" აღმასრულებელი დირექტორი ნათია სირაბიძე აცხადებს, კომპანიამ აღნიშნულ პროექტზე მუშაობა 2014 წელს დაიწყო. სირაბიძის თქმით, ამჟამად მიმდინარეობს საპროექტო-დაგეგმარებითი სამუშაოები.
პროექტი ითვალისწინებს აჭარაში, კერძოდ ქედის მუნიციპალიტეტში ჰიდროელექტროსადგურების კასკადის მშნებელობას, რომელთა საერთო სიმძლავრე 5,7 მგვტ იქნება, საშუალო მრავალწლიური გამომუშავება 33 494 483 მლნ კვტ/სთ.
„კომპანია შექმნილ პროდუქციას ერთიან ენერგოსისტემას მიაწვდის და ამით შეუწყობს საქართველოს ენერგოდამოუკიდებლობას ხელს. პროექტის საერთო ღირებულება საშუალოდ 7 მლნ დოლარია“ - ამბობს „მარდი ჰოლდინგის" ახალი ხელმძღვანელი ნათია სირაბიძე.
„მარდი ჰოლდინგმა“ ბიზნეს-საქმიანობა 1992 წლიდან დაიწყო და დღეისათვის აერთიანებს: სამშენებლო, საპროექტო, სამშენებლო და უძრავი ქონების კომპანიებს, ასევე, ღვინის მწარმოებელ და ხის გადამამუშავებელ ქარხანას. „მარდი ჰოლდინგი“ პირველი კომპანიაა, რომელმაც ქართული სიგარის წარმოება დაიწყო.
