საქართველოს კონკურენციის სააგენტოს თავმჯდომარემ გრიგოლ რობაქიძის სახელობის უნივერსიტეტში მასტერკლასი ჩაატარა, თემაზე - სახელმწიფოს ეკონომიკური პოლიტიკა.
საქართველოს კონკურენციის სააგენტოსა და გრიგოლ რობაქიძის სახელობის უნივერსიტეტს შორის ასევე თანამშრომლობის მემორანდუმი გაფორმდა, რომელსაც სააგენტოს თავმჯდომარე ნოდარ ხადური და რექტორი მამუკა თავხელიძე აწერენ ხელს.
მემორანდუმის თანახმად მხარეები თანხმდებიან, რომ ხელს შეუწყობენ სტუდენტთა პროფესიულ განვითარებას და კვალიფიციური კადრების მომზადებას; სამეცნიერო პროექტების, სემინარების, კონფერენციებისა და ტრენინგების ერთობლივ განხორციელებას.
კონკურენციის სააგენტოს თავმჯდომარის გადაწყვეტილებით, უნივერსიტეტის წარმატებული სტუდენტები პრაქტიკულ სწავლებას სააგენტოში გაივლიან.
