Gulf Air-მა თბილისის რეისის ბილეთების გაყიდვა 25%-იანი ფასდაკლებით დაიწყო. ბაჰრეინიდან ფრენების შესრულება 22 ივნისს, კვირაში 3 სიხშირით დაიწყება. ფადაკლებით კი ბილეთების შეძენა თებერვლის ბოლომდეა შესაძლებელი.
აღსანიშნავია, რომ ავიაკომპანია Gulf Air-ის დელეგაცია საქართველოს გასული წლის მაისში სტუმრობდა.
ვიზიტის ფარგლებში შეხვედრები მოეწყო საქართველოს ეკონომიკის სამინისტროს, ტურიზმის ეროვნულ ადმინისტრაციის, TAV Georgia-ს ხელმძღვანელობასთან ასევე, ტურისტული სააგენტოების წარმომადგენლებთან.
Gulf Air არის ბაჰრეინის სამეფოს ფლაგმანი ავიაკომპანია, რომელიც საავიაციო ბაზარზე 1950 წლიდან ოპერირებს. Gulf Air მსოფლიოს მსხვილი ავიაკომპანიების სიაშია, რომელიც ბაჰრეინის საერთაშორისო აეროპორტიდან, ამჟამად ფრენებს 24 ქვეყნის 43 ქალაქში ახორციელებს, მსოფლიოს 3 კონტინენტზე.
