აჭარის ფინანსთა და ეკონომიკის სამინისტრო სტაჟირების სახელმწიფო პროგრამაშია ჩართული. პროგრამის ფარგლებში ამ დრომდე უწყებაში სტაჟირება ჯამში 11 სტუდენტმა გაიარა. რამაზ ბოლქვაძემ 4 სტუდენტს უწყებაში სტაჟირების წარმატებით დასრულება მიულოცა და მათ სამინისტროს სერტიფიკატები გადასცა.
„ჩვენთვის ყველა თქვენნაირი ნიჭიერი სტუდენტი ძალიან მნიშვნელოვანია. უმაღლესი განათლების მიღების შემდეგ, სხვადასხვა ორგანიზაციაში საქმიანობით დარწმუნებული ვარ ბევრ სასიკეთო საქმეს გააკეთებთ. მჯერა სამინისტროს ძლიერ გუნდთან სამუშაო პროცესში უშუალო მონაწილეობით დიდი პრაქტიკული გამოცდილება მიიღეთ, რასაც სამომავლოდ ასევე ეფექტურად გამოიყენებთ. მინდა გისურვოთ წარმატებები და თქვენი ყველა დასახული გეგმის შესრულება“ - განაცხადა აჭარის ფინანსთა და ეკონომიკის მინისტრმა სტუდენტებთან შეხვედრისას.
სტუდენტებმა სტაჟირება ქონების მართვისა და პრივატიზების დეპარტამენტში, ადმინისტრაციულ დეპარტამენტში,შიდა აუდიტის დეპარტამენტში, ბუღალტრული აღრიცხვისა და ანგარიშგების დეპარტამენტში გაიარეს.
აჭარის ფინანსთა და ეკონომიკის სამინისტრო სტაჟირების სახელმწიფო პროგრამაში 2014 წლიდან მონაწილეობს.
