საზოგადოებრივი მაუწყებლის სამეურვეო საბჭოს გადაწყვეტილებამდე, ყველა გადაცემა ფუნქციონირებას განაგრძობს. საბჭოს თავმჯდომარის გრიგოლ გოგელიას განცხადებით, რა გადაცემა დაიხურება და გაიხსნება, ამაზე მსჯელობა ნაადრევია.
,,რც ერთი გადაცემის დახურვაზე, ან შეჩერებაზე გადაწყვეტილება არ არის მიღებული. ყველა გადაცემა ფუნქციონირებას განაგრძობს. ის, რომ ნებისმიერ ორგანიზაციაში რაღაც პროდუქტი შეჩერდეს, გადაკეთდეს, ახალი გაიხსნას, ნორმალური პროცესია“, - განაცხადა გოგელიამ.
ტელევიზიის განვითარების სამწლიანი გეგმა, რომელიც სამეურვეო საბჭომ უნდა დაამტკიცოს, ტელევიზიაში არსებული ყველა გადაცემის დროებით შეჩერებასა და თანამშრომლების ოპტიმიზაციას გულისხმობს, რომელიც 2018 წლამდე გაგრძელდება.
