თურქული ინვესტიციით აჭარაში კიდევ ერთი საწარმო გაიხსნება. როგორც აჭარის სავაჭრო-სამრეწველო პალატაში განმარტავენ, კომპანია "ელიტი“ ბათუმში აეროპორტის დასახლებაში ახალი საწარმოს მშენებლობას გეგმვს. პროექტის დეტალებზე სასაუბროდ აჭარის სავაჭრო-სამრეწველო პალატატის ხელმძღვანელი თამაზ შავაძე "ელიტის“ დამფუძნებელს ალთან ათილლა ათაშს უკვე შეხვდა. როგორც გაირკვა ინვესტორი საწარმოს მშენებლობაში 1,5 მლნ ლარის ინვესტიციას განახორციელებს. მშენებლობის დასრულება კი მიმდინარე წლის ბოლომდე იგეგმება. საწარმოში სასტუმროებისათვის სპეციალური ლეიბები, საბნები და ასევე სხვა ტექსტილის აქსესუარების დამზადდება. საწარმო ასევე დაამზადებს ავეჯსაც.
გარდა სასტუმროებისა "ელიტი“ პროდუქციას საცალო ქსელშიც გაიტანს.
საწარმო 1800 კვ.მ ფართობზე განთავსდება და 50 ახალი სამუშაო ადგილი შეიქმნება.
