2016 წელს თურქეთში ქართველი ტურისტების რაოდენობამ 2,21 მლნ ტურისტი შეადგინა. სტატისტიკური ინფორმაციის მიხედვით, 2016 წელს თურქეთში უცხოელი ტურისტების რაოდენობამ 25,35 მლნ ტურისტი შეადგინა, რაც 30,1 %-ით ნაკლებია 2015 წლის მაჩვენებლებზე.
თურქეთის კულტურისა და ტურიზმის სამინისტროს ინფორმაციით, 2016 წელს თურქეთში უხცოელი ვიზიტორების მხრივ გერმანია ლიდერობს, საიდანაც თურქეთს 3,89 მლნ ტურისტი ყავდა. მეორე ადგილზე საქართველოა, საიდანაც თუქეთი 2,21 მლნ-მა ტურისტმა მოინახულა.
თურქეთს 1,71 მლნ ტურისტი ბრიტანეთიდან ჰყავდა.
სტატისტიკა აჩვენებს, რომ თურქეთში ყველაზე მონახულებადი ტურისტული ადგილი სტამბოლია (9,22 მლნ), შემდეგ მოდიან ანტალია (5,95 მლნ) და ედირნე (2,85 მლნ).
რაც შეეხება ტურიზმიდან შემოსავალს, რაც ქვეყანას საგადამხდელო ბალანსის შესავბსებად სჭირდება, 29,7%-ით შემცირდა.
როგორც ცნობილია 2016 წელი თურქეთში ტურიზმისათვის საკმაოდ კრიზისული იყო, რაც ქვეყანაში განვითარებულ პოლიტიკურ მოვლენებსა და ტერორისტულ აქტებს უკავშირდება.’
