Apple Inc-ს შემოსავლები გაეზარდა, რაც ახალი თაობის iPhone-ზე მზარდ მოთხოვნას უკავშირდება.
როგორც კომპანიის მიერ გამოქვეყნებულ ინფორმაციაშია აღნიშნული, 2016 წლის მეოთხე კვარტალში Apple-ს შემოსავლები 3%-ით,78,4 მლრდ დოლარამდე გაიზარდა.
ექსპერტების პროგნოზით კი საანგარიშო პერიოდში ზრდა 77,3 მლრდ დოლარი უნდა ყოფილიყო.
მეოთხე კვარტალში Apple-მა 78,3 მლნ iPhone გაყიდა, რაც რეკორდული მაჩვენებელია. სტატისტიკა აჩვენებს, რომ მეოთხე კვარტალში „ჩაკბეჩილმა ვაშლმა“ 5%-ით მეტი სმარტფონი გაყიდა ვიდრე 2015 წლის მეოთხე კვარტალში.
ანალიტიკოსების მიერ, 2016 წლის მეოთხე კვარტალში 77 მლნ iPhone-ს რეალიზაცია იყო პროგნოზირებული.
ოქტომბერ-დეკემბერში iPhone-ს საშუალო ფასმა 695 დოლარი შეადგინა, ერთის წლის წინ კი მისი საშუალო ფასი კი 691 დოლარი იყო.
