„სახელმწიფო შესყიდვების შესახებ“ კანონში დაგეგმილ ცვლილებებს დღეს ბიზნესი კიდევ ერთხელ გაეცნო. სახელმწიფო შესყიდვების სააგენტომ ბიზნესისა და სამოქალაქო სექტორის წარმომადგენლებს დეტალურად გააცნო დაგეგმილი სიახლეების შესახებ.
აღსანიშნავია, რომ კანონპროექტი საქართველოს მთავრობის საკანონმდებლო ინიციატივით 2016 წლის დეკემბერში წარედგინა საქართველოს პარლამენტს.
კანონის ახალი რედაქციით გამარტივებული ელექტრონული შესყიდვები უქმნება. ასევე ტენდერის მსვლელობისას მისი გასაჩივრების უფლება მხოლოდ დაინტერესებულ პირს, ანუ ამ ტენდერში მონაწილე სუბიექტებს ეძლევათ.
„ევროკავშირთან ასოცირების ხელშეკრულების ფარგლებში გვევალება სახელმწიფო შესყიდვების კანონმდებლობა ევროპულ კანონმდევბლობას მაქსიმალურად დავუახლოვოთ. ჩვენ გადავდგით ეს ნაბიჯი და გამარტივებული ელექტრონული შესყიდვა, როგორც შესყიდვის ერთ-ერთი ფორმა, ამოღებულია შესყიდვების ჩამონათვალიდან და გაზრდილია ვადები.
ასევე, ჩვენ პირველ ეტაპზე გასაჩივრების საშუალება მივეცით ყველას და თუ ვინმე რაიმე დისკრიმინაციულ ჩანაწერს ნახავს მაშინვე დააფიქსიროს თვავისი პოზიცია. ხოლო შერჩევის შემდეგ ეტაპზე შემოდის დაინტერესებული მხარის ინსტისტუტი. ჩვენ ეს ერთი ხელის მოსმით არ გავიკეთებია. იყო ჩატარებული სერიოზული კვლევა. იგივე ბიზნესის მხრიდან გვესმოდა, რომ მათი გამარჯვების შემთხვევაში, ის არაკეთილსინდისიერი მონაწილეები, რომლებიც განაწყენებულნი იყვნენ სხვისი გამარჯვებით, შედეგს ასაჩივრებდენ ყოველგვარი დასაბუთების გარეშე და ხელს უშლიდნენ ბიზნესს წინსვლასა და სამუშაოების შესრულებაში“, აღნიშნა ჟურნალისტებთან საუბრისას სახელმწიფო შესყიდვების სააგენტოს ხელმძღვანელმა ლევან რაზმაძემ.
ბიზნესი დაგეგმილ ცვლილებებს დადებითად აფასებს.
„მნიშვნელოვანია, რომ სახელმწიფო შესყიდვების სააგენტოსა და ბიზნესს შორის თანამშერომლობა არსებობს. ახალი კანონმდებლობით შემოდის „დაინტერესებული პირის“ მცნება თავად გასაჩივრების პროცესში. თუ შევადარებთ წინა რედაქციას როდესაც ყველას შეეძლო გასაჩივრება ამით ფერხდებოდა ტენდერის დასრულება და პროცესი გაწელილი იყო დროში. შესაბამისად გამოყოფილი თანხა და მზაობა ბზინესის მხრიდან, რომ შეესრულებინა სახელმწიფო ტენდერებით გაწერილი პირობები, ვადაში გადაწეული იყო. ამით კი ზარალდებოდა როგორც ბიზნესი ასევე ვერ ხდებოდა ამ თანხების ათვისება.
კანონმდებლობის ახალი რედაქციით, შემოდის ჯარიმის ცნება, რაც დაინტერესებული პირისთვის არც თუ ისე მაღალია. შესაბამისად ეს იძლევა საშუალებას, რომ მხოლოდ იმ კომპანიებს, რომელთაც აქვთ ინტერესი ამ ტენდერებში მათ გაასაჩივრონ“, აცხადებს მწარმოებელთა ფედერაციის ხელმძღვანელი ლევან სილაგავამწარმოებელთა ფედერაციის ხელმძღვანელი ლევან სილაგავა
