ამერიკის დაზვერვის ყოფილ აგენტს, ედვარდ სნოუდენს რუსეთში ცხოვრების უფლება კიდევ 2 წლით გაუგრძელეს. ამის შესახებ სოციალურ ქსელ ტვიტერში რუსეთის საგარეო საქმეთა სამინისტროს წარმომადგენელი მარია ზახაროვა წერს. რუსეთში თავშესაფარი სნოუდენმა 2013 წელს მიიღო. შეერთებულ შტატებში მას სამშობლოს ღალატში ადანაშაულებენ. ყოფილმა აგენტმა საიდუმლო ინფორმაცია გაასაჯაროვა, რაც საერთაშორისო სკანდალის მიზეზი გახდა.
