დონალდ ტრამპმა რუსეთისთვის დაწესებული სანქციები არ უნდა შეასუსტოს. ამის შესახებ BBC-სთვის მიცემულ ინტერვიუში რუსეთის ოპოზიციის ერთ-ერთმა ლიდერმა ალექსეი ნავალნიმ განაცხადა.
„მე ვერ დავუჭერ ეკონომიკურ სანქციებს მხარს იმ უბრალო მიზეზის გამო, რომ რუსეთის მოქალაქე ვარ, თუმცა ძალიან იმედგაცრუებული ვიქნები, თუ ბატონი ტრამპი პუტინის მეგობრებსა და ოლიგარქებს მოუხსნის სანქციებს. სანქციების ეს ნაწილი რუსი ხალხის სასიკეთოდ მუშაობს,“-აღნიშნა ნავალნიმ.
