აფხაზეთში რუსული სამხედრო პოლიგონის მშენებლობა არ იგეგმება. ამის შესახებ „სპუტნიკ აფხაზიას“ დეფაქტო რესპუბლიკის თავდაცვის სამინისტროდან აცნობეს. აფხაზეთში ახალი პოლიგონის მშენებლობას უარყოფს რუსული მხარეც.
„აფხაზეთში სულ ორი პოლიგონი და მე-7 რუსული სამხედრო ბაზაა. პოლიგონები გულრიფშისა და ოჩამჩირის რაიონებშია განთავსებული. სხვა პოლიგონების მშენებლობა არ იგეგმება,“-ნათქვამია შოიგუს უწყების განცხადებაში.
მანამდე საქართველოს პრეზიდენტის მრჩეველმა თენგიზ ფხალაძემ განაცხადა, რომ სოფელ წებელდაში რუსები ახალი სამხედრო პოლიგონის მოწყობას გეგმავენ.
