თურქულმა ავიაკომპანია Turkish Airlines-მა 7-8 იანვარს 192 რეისი გადადო, საუბარია როგორც შიდა ასევე საერთაშორისო რეისებზე. თურქული მედიის ინფორმაციით, ფრენების გადადების მიზეზი რთული მეტეოროლოგიური პირობებია.
ავიაკომპანია მგზავრებს მოუწოდებს, რომ რეისების შესახებ ინფორმაციას თვალი ადევნოს ავიაკომპანიის ვებგვერდის საშუალებით. თურქული სააგენტოები იტყობინებიან, რომ Turkish Airlines-მა რეისები სტამბოლის ორივე აეროპორტიდან გააუქმა.
ცნობისათვის, Turkish Airlines-მა 7 იანვრისთვის რეისები გააუქმა თბილისის მიმართულებითაც, საუბარია დღისით დაგეგმილ ფრენებზე სტამბოლი-თბილისი-სტამბოლის მიმართულებით.
