სურსათის ეროვნულმა სააგენტომ საქართველოში ნოდულარული დერმატიტის გამოვლენისთანავე დაუყოვნებლივ განახორციელა დაავადების საწინააღმდეგო ღონისძიებები. მთელი ქვეყნის მასშტაბით უკვე ვაქცინირებულია 200 ათასამდემდე პირუტყვი. მთლიანობაში 360 ათასი სული პირუტყვის აცრაა დაგეგმილი. სურსათის ეროვნული სააგენტო პრევენციულ ღონისძიებებს ყოველწლიურად ახორციელებს. ნოდულარული დერმატიტი ადამიანისთვის არანაირ საფრთხეს არ წარმოადგენს. გასულ წელს მეზობელ ქვეყნებში გავრცელებული დაავადების გამო, სააგენტომ მიიღო შესაბამისი ზომები და მსხვილფეხა პირუტყვი აიცრა სასაზღვრო პერიმეტრზე, რითაც აღიკვეთა აღნიშნული დაავადების საქართველოში გავრცელება. პროფილაქტიკური და სავალდებულო აცრები დაავადების საწინააღმდეგოდ გრძელდება.
რუსულ მედიაში გავრცელებილი ინფორმაციით, საქართველოს ტერიტორიაზე მსხვილფეხა საქონელში ნოდულარული დერმატიტის დაფიქსირების გამო რუსეთის ფედერაციაში საქართველოდან დაავადებისადმი მგრძნობიარე საქონლის შეტანაზე შეზღუდვები დაწესდა. უნდა აღინიშნოს, რომ რუსეთის ტერიტორიაზე საქართველოდან ცოცხალი ცხოველების ექსპორტი არ ხორციელდება.
