დღეს, 24 დეკემბერს, ახალი ამბების სააგენტო GHN-ის ორგანიზებით, 2016 წლის ეროვნული მედიაჯილდოს - "ოქროს პერგამენტის" ლაურეატების დაჯილდოების ცერემონიალი გაიმართება.
2016 წელს ''ოქროს პერგამენტის'' ლაურეატები 11 ნომინაციაში დასახელდებიან.
2016 წლის „ოქროს პერგამენტის" ლაურეატები დასახელდებიან შემდეგ ნომინაციებში: წლის პოლიტიკოსი, უფლებადამცველი, ბიზნესმენი, ქველმოქმედი, ჟურნალისტი, ხელოვანი, სპორტული მენეჯერი, წლის პროექტი, კომპანია, ბრენდი, წლის ტელეპროექტი და „ოქროს პერგამენტის" საპატიო ლაურეატი.
ჯილდოს კანდიდატები უნდა აკმაყოფილებდნენ მკაცრ და მაღალ შეფასების კრიტერიუმებს — მათ უნდა წარმოაჩინონ ინოვაციურობა, ეროვნული მნიშვნელობა, საერთაშორისო სტანდარტებთან შესაბამისობა, მყარი საზოგადოებრივი რეპუტაცია და მნიშვნელოვანი წვლილი საქართველოს პოპულარიზაციაში.
ნომინირების პროცესს ახორციელებენ საინიციატივო ჯგუფები, ორგანიზაციები, ფონდები, ინსტიტუტები და სხვა სუბიექტები. ყველა წარდგენილი განაცხადი გადაეცემა სპეციალურ ჟიურის, რომელიც ყოველწლიურად ახლდება და მისი შემადგენლობა კონკურსის დასრულებამდე კონფიდენციალური რჩება.
ჟიური შედგება სხვადასხვა სფეროს წარმომადგენელი შვიდი მაღალკვალიფიციური და რეპუტაციული პროფესიონალისგან. თითოეული წევრი ირჩევა მათი გამოცდილების, პროფესიული მიღწევებისა და საზოგადოებრივი ნდობის მაღალი ხარისხის საფუძველზე. კომისია განიხილავს კანდიდატების მიერ წარდგენილ დოკუმენტაციას, განმარტებით ბარათებს, შესრულებული სამუშაოს ხარისხს, მის კულტურულ და ეროვნულ მნიშვნელობასა და საერთაშორისო სტანდარტებთან შესაბამისობას.
ღონისძიების საინფორმაციო მხარდამჭერები: რადიო "ფორტუნა", გაზეთი"ვერსია", გაზეთი „ქართული სიტყვა", GHN, "მთავარი.ინფო". „პრაიმნიუსჯორჯია“.
