ბერლინის ტერაქტის შესახებ ახალი დეტალები ირკვევა. როგორც გამოცემა ბილდი წერს, სატვირთო მანქანის პოლონელი მძღოლი ტერორისტს ხალხის მასაში შეჭრაში ხელს უშლიდა. ამავე ინფორმაციით, 37 წლის ლუკაშ ურბანი ტერორისტმა სწორედ წინააღმდეგობის გაწევისას მოკლა. მძღოლს სხეულზე დანით მრავლობითი ჭრილობები აქვს მიყენებული. მას შემდეგ, კი რაც ხალხის მასაში შეიჭრა, ტერორისმა დაჭრილ მძღოლს ცეცხლსასროლი იარაღიდან ესროლა, კაბინიდან გადახტა და გაიქცა. პოლიცია ტერაქტში ეჭვმიტანილ 24 წლის პირს ეძებს.
