,,ნაციონალური მოძრაობის“ წევრი ირაკლი აბესაძე მიიჩნევს, რომ სესხების სუბსიდირების პროგრამა ძირითადად მდიდარი ადამიანების დახმარებაზეა გათვლილი. მისი შეფასებით, ეს არის აბსოლუტურად არაეფექტური 65 მილიონი ხარჯი.
„არის აბსოლუტურად არაეფექტური, პირველ რიგში, ეს არი საბიუჯეტო ხარჯი, 65 მილიონი ლარი, რომელიც კიდევ უფრო მძიმედ აწვება საბიუჯეტო დეფიციტს და საბოლოო ჯამში ქვეყნის ეკონომიკურ განვითარებას. რაც მთავარია, ის ეხება მხოლოდ და მხოლოდ 33 ათასამდე უძრავი ქონებით უზრუნველყოფილი სესხის ამღებ ადამიანს, ძირითადად მდიდარ ადამიანებს და არანაირი შეხება ამას არ აქვს იმ 100 ათასობით ადამიანთან, რომლებსაც ძალიან მძიმე საკრედიტო ვალდებულებები გააჩნიათ,“ - განაცხადა ირაკლი აბესაძემ.
ხელისუფლების განცხადებით, არსებობს რამდენიმე ფაქტორი, რომელიც ლარის გაუფასურებაზე მოქმედებს და მათ მიერ შემუშავებული გეგმა ამ პრობლემის გამოსასწორებლად ეფექტური იქნება.
