დღეს გაერო თბილისის დროით 18:00 საათზე, ირანის ბირთვული პროგრამის წინააღმდეგ შეთანხმებულ ახალ სანქციებს კენჭს უყრის.
აშშ-ის წარმომადგენელმა გაეროს უშიშროების საბჭოში საგანგებოდ გამართულ პრესკონფერენციაზე განაცხადა, რომ ახალი სანქციები, ყოვლისმომცველი იქნება, რამაც ირანზე რალური ზეგავლენა უნდა მოახდინოს. მისივე თქმით, ირანთან დაკავშირებით თეთრ სახლს ორმხრივი პოზიცია გააჩნია და ეს, ერთდროულად ეკონომიკურ ზეწოლასა და მოლაპარაკებების პროცესს ითვალისწინებს
შეგახსენებთ, რომ ახალი სანქციები გერმანიამ და გაეროს უშიშროების საბჭოს 5 მუდმივმა მოქმედმა წევრმა: ბრიტანეთმა აშშ-მა, საფრანგეთმა, რუსეთმა და ჩინეთმა მოამზადეს.
როგორც ცნობილია გაეროს ახალი სანქციები ირანს კვლავ არ მოსწონს და მათი ამოქმედების შემთხვევაში მაჰმუდ ახმადინეჯადი მოლაპარაკებების პროცესის ჩაშლით იმუქრება.
გაეროს რეზოლუციის პროექტი მოიცავს რიგ სანქციებს, რომელიც ირანის ეკონომიკასა და სამხედრო-სამრეწველო კომპლექსს ეხება. დოკუმენტის მიღების შემთხვევაში ირანის მოქლაქეებისა და კომპანიების უმრავლესობას უცხოეთში ეკონომიკური მოღვაწეობა აეკრძალება. თეირანი ასევე ვეღარ შეძლებს უცხოური კომპანიების დაფინანსებას, რომლებიც ბირთვულ სფეროში მუშაობენ.
ახალი რეზოლუციის მთავრი პუნქტი ირანში მძიმე შეიარაღების განსაზღვრული სახეობის მიწოდების აკრძალვა იქნება. საერთაშორისო მწარმოებლებს ირანისთვის იარღის მიწოდება მანამდეც ეკრძალებოდათ, თუმცა ამ შემთხვევაში აკრძალული შეიარაღების სიას რვა ახალი პუნქტი დაემატება. აკრძალული შეიარაღების გაფართოებულ ჩამონათვალში მოხვდება ტანკები, ჯავშანტრანსპორტიორები, სამხედრო თვითმფრინავები, დამრტყმელი ვერტმფრენები, გემები, რაკეტები და სარაკეტო კომპელქსები.
