გაეროს უშიშროების საბჭომ სირიის რეზოლუციის ტექსტი შეათანხმა. დოკუმენტს კენჭს რამდენიმე საათში უყრიან. რეზოლუცია ალეპოდან მშვიდობიანი მოქალაქეების უსაფრთხო ევაკუაციას და კონფლიქტის ზონაში გაეროსა და პარტნიორი ორგანიზაციების დამკვირვებლების დაშვებას ითვალისწინებს. ტექსტის განხილვას რუსეთისა და საფრანგეთის წარმომადგენლებს შორის მწვავე დისკუსია მოჰყვა. საფრანგეთი ალეპოდან მოსახლეობის ნებაყოფლობითი ევაკუაციის ინიციატივით გამოვიდა და განაცხადა, რომ ევაკუაციისას მოქალაქეებმა თავად უნდა აირჩიონ თავშესაფარი. საკუთარი პოზიცია დააფიქსირა რუსეთის წარმომადგენელმაც. ვიტალი ჩურკინმა განაცხადა, რომ საფრანგეთის მიერ შეთავაზებული წინადადება რეალობაში ვერ განხორციელდება და საფრთხის შემცველია.
