ლონდონის ბირჟაზე კაკაოს ფასი ბოლო 2,5 წლის მინიმუმამდე დაეცა და 1858 ფუნტი სტერლინგი ($2338) შეადგინა.
The Wall Street Journal-ი ტრეიდერებზე და ანალიტიკოსებზე დაყრდნობით წერს, რომ აღნიშნულის მიზეზი აფრიკაში კაკაოს ჭარბი წარმოებაა.
ექსპერტთა მაწილი მიიჩნევს, რომ ამ ფონზე კაკაოს მარცვლის შენახვა/დასაწყობება იქნება ხელსაყრელი.
ზოგადად კაკაოს შენახვა ძალიან ძვირი ჯდება, ბაზრის რისკებიდან გამომდინარე.
მაგრამ 2017 წლის კონტრაქტები სიტუაციას ცვლის. თუ პროდუქცია დაბალ ფასად იქნება შეძენილი და შემდგომ მისი რეალიზაცია ერთიანად და ხელსაყრელი ფასებით მოხდება, რაც უკვე დაკონტრაქტებულია, მაშინ ეს გზა ბიზნესისთვის მისაღებია.
2015 წელს კაკაოს ბაზარი 13 %-ით გაიზარდა. 2016 წლის ივნისში კაკაოს ფასმა ბოლო ექვსი წლის მაქსიმუმს მიაღწია.
თუმცა ლონდონის ბირჟაზე, იანვრიდან დეკემბრამდე ფასი 17 %-ით შემცირდა.
