2017 წლის სახელმწიფო ბიუჯეტის საბოლოო პროექტსა და მასთან დაკავშირებული საკანონმდებლო ინიციატივებზე დღეს, პარლამენტის სამი კომიტეტის გაერთიანებულ სხდომაზე იმსჯელებენ.
მომავალი წლის სახელმწიფო ბიუჯეტის პროექტს, თან ერთვის - „საგადასახადო კოდექსში“, „სათამაშო ბიზნესის მოსაკრებლების შესახებ“ კანონში, „ადგილობრივი თვითმმართველობის კოდექსსა“ და „საბიუჯეტო კოდექსში“ შესატანი ცვლილებების პროექტები.
პროექტის მიხედვით, დაზღვევის დაფინანსება 100 მილიონი ლარით მცირდება და 500 ათასზე მეტი მოქალაქე საყოველთაო დაზღვევით ვეღარ ისარგებლებს.
სახელმწიფო ბიუჯეტის ხარჯების ჯამური მოცულობა 9 121.2 მლნ ლარს შეადგენს.
საფინანსო-საბიუჯეტო, დარგობრივი ეკონომიკისა და ეკონომიკური პოლიტიკის, ევროპასთან ინტეგრაციის და რეგიონული პოლიტიკისა და თვითმმართველობის კომიტეტების გაერთიანებული სხდომა 15:00 საათზე დაიწყება.
