თურქეთი საქართველოს ეროვნული ვალუტით ვაჭრობის სქემას სთავაზობს.
როგორც უცხოური მედია წერს, თურქეთის ეკონომიკის სამინისტრომ დაიწყო მოლაპარაკება საქართველოსთან, აზერბაიჯანთან, ყირგიზეთთან და ერაყთან სავაჭრო ბრუნვის ეროვნული ვალუტით და არა ევროთი ან დოლარით, განხორციელების შესახებ.
როგორც ცნობილია, ცოტახნის წინ, თურქეთის პრეზიდენტმა რეჯებ ტაიპ ერდორანმა აღნიშნა, რომ ანალოგიური წინადადებით უკვე მიმართა რუსეთს, ირანსა და ჩინეთს. მისი თქმით, კოლეგებმა აღნიშნულ წინადადებას მხარი დაუჭირეს.
მედიის ცნობით, ზოგიერთი ქვეყნა ერდორანის წინადადების მხარდაჭერის ნიშნად, სავაჭრო ბრუნვას ეროვნულ ვალუტაში განახორციელებს.
სტატისტიკური ინფორმაციის მიხედვით, თურქეთი საქართველოსათვის ერთ-ერთი უმსხვილესი სავაჭრო პარტნიორია. 2016 წლის იანვარ-ოქტომბერის მონაცემებით, ორ ქვეყანას შორის სავაჭრო ბრუნვამ 1 მლრდ 270 მლნ. აშშ დოლარი შეადგინა.
