საქართველოს კონკურენციის სააგენტოს თანამშრომლებისათვის, საერთაშორისო და ადგილობრივი ექსპერტების თანამონაწილეობით, 2016 წლის 9 დეკემბერს, სასტუმრო „რედისონ ბლუ ივერია”-ში, რიგით მეორე სემინარი იგეგმება.
შეხვედრის ფარგლებში განსახილველი თემებია: კონკურენციის სამართლის ადვოკატირება, გამოწვევები, ეკონომიკური ზრდა, კონკურენციის სააგენტოს ინსტიტუციონალური მოწყობა, პოლიტიკის პრაქტიკული რეალიზაცია საქართველოში და კონკურენციის კანონმდებლობის მიზნები და როლი საქართველოს ეკონომიკის განვითარებაში.
პროექტი ევროპის რეკონსტრუქციისა და განვითარების ბანკის მხარდაჭერით, ბრიტანეთის მთავრობის დაფინანსებით იმართება, რომელსაც ამერიკული კომპანია „IOS Parnters, Inc“ და მისი პარტნიორი „Dicidendi Consultants“ ახორციელებს.
ღონისძიებაში მონაწილეობას მიიღებენ საქართველოს კონკურენციის სააგენტოს თავმჯდომარე ნოდარ ხადური. უფროსი ექსპერტი კონკურენციის სამართლის და ეკონომიკის საკითხებში, ეკონომიკური თანამშრომლობისა და განვითარების ორგანიზაციის (OECD) კონკურენციის კომისიის თავმჯდომარე, საფრანგეთის უზენაესი სასამართლოს ყოფილი მოსამართლე - ფედერიკ ჯენი; ევროპის რეკონსტრუქციისა და განვითარების ბანკის (EBRD) დირექტორი სამხრეთ კავკასიაში, მოლდოვასა და ბელარუსში ბრუნო ბალვანერა და სხვები.
