აჭარის მთავრობის თავმჯდომარე ზურაბ პატარაძე გერმანიის რეკონსტრუქციისა და განვითარების ბანკის (KFW) წარმომადგენლებს შეხვდა. სამუშაო შეხვედრას KFW-ს ინფრასტრუქტურის ჯგუფის ხელმძღვანელი პოსტ საბჭოთა სივრცეში მარიონ კნეში, ბათუმის მერი გიორგი ერმაკოვი და აჭარის ფინანსთა და ეკონომიკის მინისტრი რამაზ ბოლქვაძე ესწრებოდნენ.
მხარეებმა განიხილეს აჭარაში გერმანიის რეკონსტრუქციის საკრედიტო ბანკის მიერ მხარდაჭერილი პროექტების მიმდინარეობა და სამომავლო თანამშრომლობის საკითხები. ყურადღება დაეთმო საპილოტე პროექტსაც. პროექტის შედეგად, აჭარის თითოეულ მუნიციპალიტეტში შეირჩევა საპილოტე ტერიტორია, სადაც გერმანიის განვითარების ბანკი წყალმომარაგებისა და წყალარინების სისტემების რეაბილიტაციას განახორციელებს. ასევე, შემუშავდება აჭარის წყლის ალიანსის კონცეფცია, სტრუქტურა და მუშაობის სქემა, რომელიც საწყის ეტაპზე მოემსახურება მუნიციპალიტეტებს საპილოტე ტერიტორიებზე პროექტების განხორციელებაში.
KFW-ს წარმომადგენლებთან შეხვედრის მიზანი აჭარაში KFW-ს მიმდინარე პროექტების პროგრესის შეფასება წრმოადგენდა.
შეხვედრის დასასრულს, დონორი ორგანიზაციის წარმომადგენლებმა აჭარის მთავრობას წარმატება უსურვეს და იმედი გამოთქვეს, რომ აჭარის რეგიონთან აქტიური თანამშრომლობა მომავალშიც გაგრძელდება.
