„პაშა ბანკის“ პროექტის MEETING ROOM-ის ფარგლებში გამართულ რიგით მეორე ბიზნეს-კონფერენციაზე საქართველოში განახლებადი ენერგიის განვითარებაზე იმსჯელეს.
კონფერენცია საქართველოს ენერგეტიკის სამინისტროს, ელექტროენერგეტიკული სისტემის კომერციული ოპერატორის (ESCO) და საქართველოს ენერგეტიკის და წყალმომარაგების მარეგულირებელი ეროვნული კომისიის მხარდაჭერით გაიმართა.
როგორც შეხვედრის დასრულების შემდეგ ენერგეტიკის მინისტრის მოადგილემ მარიამ ვალიშვილმა განმარტა, კერძო სექტორის მხრიდან განახლებადი ენერგიით დაინტერესება იზრდება.
„ასეთი ტიპის შეხვედრები კერძო სექტორთან ძალიან მნიშვნელოვანია, რათა მოხდეს ისეთი პროექტების განხილვა, რომელიც ჩვენი ქვეყნისათვისაა მნიშვნელოვანი. ჩვენთვის მნიშვნელოვანია კერძო სექტორმა იცოდეს თუ რა გეგმები აქვს მთავრობას. ასეთი პარტნიორობა მნიშვნელოვანია ეკონომიკის განვითარებისთვის, კერძო სექტორის აქტიურობისთვის და ჩვენთვის, როგორც ენერგეტიკის სამინისტროსთვის გაცილებით მნიშვნელოვანია კერძო სექტორის დაინტერესება საინვესტიციო პროექტებით, რომელიც ჩვენს ენერგოუსაფრთხოებას ემსახურება. მე ვფიქრობ, რომ ეს პლატფორმა იძლევა იმის საშუალებას, რომ ვისაუბროთ აქტიურ თემებზე, გავცეთ კითხვებს პასუხები. იცით, რომ საკმაოდ ახალი რეფორმების ტალღა იგეგმება ენერგეტიკაში ევროპული ინტეგრაციის სამოქმედო გეგმის მიხედვით, რომელიც უახლოეს მომავალში უნდა დავიწყოთ და რომელიც რამდენიმე წელი გაგრძელდება.
განახლებადი ენერგია არის ახალი ტექნოლოგიური მიმართულება ენერგეტიკაში. ამიტომ მას სახელმწიფოს მხრიდან განსაკუთრებული ყურადღება და ხელშეწყობა სჭირდება. რამდენიმე ჰიდროელექტროსადგური აშენებულია, აშენებულია ასევე ქარის სადგური. პროექტის განხორციელების ეტაპზეა ბევრი ჰიდროელექტროსადგური. ამიტომ ვფიქრობთ, რომ რაღაც ინსტრუმენტები მუშაობს იმაზე, რომ აქტიობა იყოს შენარჩუნებული, მაგრამ მოდის ახალი რეგულაციები, ახალი რეფორმები და ყოველთვის საჭიროა ამის გაანალიზება და დახვეწა, რომელიც განახლებადი ენერგიების განვითარებას უწყობს ხელს“, აღნიშნა ვალიშვილმა.
MEETING ROOM-ის ეს შეხვედრას ასევე ესწრებოდნენ ენერგეტიკის სექტორში დასაქმებული და ასევე ამ სფეროთი დაინტერესებულ მხარეები. შეხვედრაზე განხილული იქნება აღნიშნული სექტორის განვითარებასთან დაკავშირებული საკითხები როგორიცაა: ენერგეტიკული და სატარიფო პოლიტიკა; ჰიდროელექტროსადგურის ფინანსირებისთვის ძირითადი მოთხოვნები და საშუალებები; კერძო სექტორის გამოცდილება და გამოწვევები; ბიზნეს ეთიკა და კორპორატიული სოციალური პასუხისმგებლობა ჰიდროელექტროსადგურის განვითარების პროცესში.
„MEETING ROOM-ის ფარგლებში განვიხილეთ საქართველოში განახლებადი ენერგეტიკის განვითარება ჰიდროელექტროსანდგურების მაგალითზე. ჩვენ 2013 წლიდან ვთანამშრომლობთ ეკონომიკის მრავალ სექტორთან. ენერგეტიკა ჩვენი განსაკუთრებული ინტერესის საგანს წარმოადგენს. ვიმედოვნებთ, რომ კონფერენცი ინფორმატიული იქნება ენერგეტიკის სექტორით დაინტერესებული ინვესტორებისათვის. MEETING ROOM-ის პირველი კონფერენციის წარმატების შემდეგ ჩვენ მეტად მოტივირებული ვართ გავაგრძელოთ კონფერენციათა სერია და ვგეგმავთ 2017 წელს კიდევ ორი შეხვედრის მოწყობას.
სექტორის მხრიდან დაინტერესება დიდია აქ რეალურად შემაფერხებელი ფაქტორია ხარისხიანი პროექტების რაოდენობა. ვერ ვიტყვი, რომ ამ ეტაპზე „პაშა ბანკისთვის“ განახლებადი ენერგეტიკული პროექტების დაფინანსება დომინანტურია, თუმცა სექტორის განვითარება წარმოადგენს ერთ-ერთ პრიორიტეტულ და საინტერესო მიმართულებას“, - განაცხადა გოგა ჯაფარიძემ, პაშა ბანკის კომერციულმა დირექტორმა და დირექტორთა საბჭოს წევრმა.
MEETING ROOM პაშა ბანკის მიერ ინიცირებული პროექტია. ეს არის სხვადასხვა ინდუსტრიაზე ფოკუსირებული ბიზნეს კონფერენციების ციკლი, რომელიც ქმნის ახალ პლატფორმას აღნიშნული სფეროების წარმომადგენლებისთვის, სადაც ისინი შეძლებენ იდეების და სასარგებლო გამოცდილების ურთიერთ გაზიარებას.
MEETING ROOM - ის ფარგლებში პირველი კონფერენცია წელს 25 მაისს ჩატარდა და შეხვედრის თემა „სასტუმროების დეველოპმენტი საქართველოში“ იყო. აღნიშნული შეხვედრის მხარდამჭერები იყვნენ საქართველოს ტურიზმის ადმინისტრაცია და Colliers International.
