ვლადიმერ პუტინმა რუსეთის საინფორმაციო უსაფრთხოების ახალ დოქტრინას ხელი მოაწერა. დოკუმენტში საუბარია საზღვარგარეთიდან “საინფორმაციო-ფსიქოლოგიური” ზემოქმედების წინააღმდეგ ბრძოლაზე. ასევე აღნიშნულია, რომ ზოგიერთი ქვეყანა ინფორმაციულ ტექნოლოგიებს სამხედრო მიზნებისთვის იყენებს. დოკუმენტის თანახმად, ორგანიზაციებმა, რომლებიც რუსეთის სახელმწიფო უწყებების, სამეცნიერო ინსტიტუტებისა და სამხედრო-სამრეწველო კომპლექსის მისამართით ტექნიკურ დაზვერვას ახორციელებენ, მუშაობა გააქტიურეს. ამასთან, აღნიშნულია, რომ ზოგიერთი სახელმწიფოს სპეცსამსახურები ახორციელებენ “საინფორმაციო-ფსიქოლოგიურ ზეწოლას”, რაც მიზნად ისახავს სხვადასხვა ქვეყანაში პოლიტიკური და სოციალური სიტუაცის დესტაბილიზაციას. დღემდე რუსეთში 2000 წელს მიღებული დოქტრინა მოქმედებდა.
