ომანი მზადაა 5-10%-ით დღე-ღამეში შეამციროს ნავთობის მოპოვება. ამის შესახებ განუცხადა როიტერის ჟურნალისტებს ომანის ნავთობისა და გაზის მინისტრმა.
"ომანი მზადაა შეამციროს წარმოება 3-4%-ით, რაზეც მიმდინარეობს მოლაპარაკებები ოპეკის წევრ ქვეყნებთან და მასში არ შემავალ ქვეყნებს შორის. ჩვენ მზად ვართ, შევამციროთ ნავთობის მოპოვების დონე 5-10%-ით." - განაცხადა მინისტრმა. მონაცემების თანახმად, სასულთნო დღე/ღამეში 1 მილიონ ბარელ ნავთობს მოიპოვებს.
ამასთანავე, ომანის ნავთობისა და გაზის მინისტრმა იმედი გამოთქვა, რომ ნავთობის მოპოვების შემცირებასთან დაკავშირებით შეთანხმების ძალაში შესვლის შემდეგ, ნავთობის ფასი 2017 წელს გაიზრდება 50-60 დოლარმდე/ბარელზე. მინისტრმა აგრეთვე განაცხადა, რომ მისი ქვეყანა მონაწილეობას მიიღებს მ/წლის 10 დეკემბერს ვენაში ოპეკის მიერ დაგეგმილ შეხვედრაში.
ომანი ახლო აღმოსავლეთში უმსხვილესი ნავთობის მწარმოებელი ქვეყანაა, რომელიც არ შედის ნავთობის ექსპორტიორი ქვეყნების ორგანიზაციაში (ოპეკი).
