პროგნოზული გათვლებით, 2017 წლისთვის ნაერთი ბიუჯეტის შემოსავლების საპროგნოზო მაჩვენებლის წილი მშპ-სთან 29.3%-ის, ხოლო გადასახადების წილი 26.5%-ის დონეზე იქნება. როგორც 2017-2020 წლებისათვის ქვეყნის ძირითადი მონაცემებისა და მიმართულებების (BDD) დოკუმენტშია აღნიშნული, 2018-2020 წლების საბიუჯეტო შემოსავლების საპროგნოზო მაჩვენებელი მშპ-ს მიმართ საშუალოდ 28.4%, ხოლო საგადასახადო შემოსავლების წილი საშუალოდ 26.0%-ის დონეზეა ნავარაუდევი.
2017 წელს ნაერთი ბიუჯეტის სხვა შემოსავლების წილი მთლიანი შიდა პროდუქტის მიმართ სავარაუდოდ 2.0%-ს გაუტოლდება. ხოლო არაფინანსური და ფინანსური აქტივების რეალიზაციიდან მისაღები თანხების მოცულობა მშპ-თან მიმართებაში შესაბამისად 0.4 და 0.2 პროცენტი იქნება.
