ნავთობის ფასი ეცემა. ლონდონის ბირჟაზე ბრენტის მარკის საწვავის ღირებულება 70 ცენტით შემცირდა და ბარელის ფასმა 54 დოლარი და 4 ცენტი შეადგინა. დაბლ იუ თი აის მარკის საწვავის ღირებულება კი ბარელზე 51 დოლარითა და 30 ცენტით განისაზღვრა. ბირჟის ანალიტიკოსთა განმარტებით, ნავთობის გაუფასურება ამერიკის ენერგეტიკის სამინისტროს განცხადებას უკავშირდება, რომლის მიხედვითაც, ჭაბურღილების რაოდენობა შეერთებულ შტატებში 447 ერთეულამდე გაიზარდა. ბოლო სამი სესიის განმავლობაში შავი ოქროს ფასმა 14 პროცენტით მოიმატა, რაც ოპეკის გადაწყვეტილებით იყო გამოწვეული. ორგანიზაციის წევრი ქვეყნები ნავთობმოპოვების შემცირებაზე ერთი კვირის წინ შეთანხმდნენ.
