პარლამენტის ბიუროს დღევანდელ სხდომაზე 2017 წლის ბიუჯეტის საბოლოო პროექტსა და მასთან დაკავშირებულ საკანონმდებოლო ინიციატივებს განიხილავენ. სწორედ დღევანდელ შეკრებზე გადაწყდება, რა ფორმატსა და ვადებში მოხდება მათი განხილვა და დამტკიცება. როგორც ცნობილია, საბიუჯეტო პროექტის განხილვის მეორე ეტაპი, რომელიც პლენარული სხდომის ფორმატში 15 ნოემბრამდე უნდა გამართულიყო, პარლამენტში საერთოდ არ შედგა. მთავრობის მიერ 30 ნოემბერს წარდგენილი ბიუჯეტის საბოლოო ვარიანტი კი, ”საბიუჯეტო კოდექსით” და რეგლამენტით დადგენილი წესის თანახმად, დასამტკიცებლად პირდაპირ სესიაზე უნდა გავიდეს. თუმცა პარლამენტის თავმჯდოამრის განამრტებით, საკითხი სესიაზე ფრაქციებში განხილვის შემდეგ გავა. ბიუჯეტის პროექტი ითვალისწინებს 65 მლნ ლარს ფიზიკურ პირებზე უცხოურ ვალუტაში გაცემული საბანკო სესხების ეროვნულ ვალუტაში კონვერტირების ხელშეწყობისთვის. 2017 წლიდან დაგეგმილია თამბაქოს ნაწარმზე აქციზის გადასახადის ზრდა. კერძოდ, ფილტრიან სიგარეტზე აქციზი - 0,60 ლარით, ხოლო უფილტრო სიგარეტზე 0,30 ლარით იზრდება. გაიზრდება აქციზის განაკვეთი ავტომობილებზე. ასევე გაიზრდება აქციზის გადასახადი ნავთობპროდუქტებზე. თითქმის ყველა საბიუჯეტო ორგანიზაციაში 10 – 10 პროცენტით იკვეცება შრომის ანაზღაურების ფონდი და ადმინისტრაციულ ხარჯები.
